[A:368]dgun chos grol ba'i nub mo nas sngar gyi rgyas 'khrugs kyi bsnyun ro langs nas sku khams cher ma bde ba'i skabs gzigs snang du 'phags pa rin po ches phyogs bzhi nas bkra shis mdzad pa shar shing / tshal gtar nyis brgyud dang gsol sman sogs 'phrod bzhes gseng shor med pa dang / dgon sde brgya lhag la mang 'gyed sogs sku rim stobs che stabs bsnyun gzhi las grol ba'i dga' ston dang skyon sel thun mong du/ me phag zla ba dang po'i nang ser skya mtha' dag la sbyin gtong rgya chen zhig bstsal ba'i tshogs dbur rje nyid phebs nas dge rtsa rdzogs byang du bsngo ba gnang /
sa byi lor bsam yas chos skyong chen po nas sgar chen rin po che'i drung du yang gong bzhin zhus pa sogs/ gong grub mchog nyid kyi rnam thar du bshad pa bzhin dang lo khongs 'dir snga mo nas gnas 'brug thugs khang khems che zhing / lha 'brug thugs snang ma dag par brten lha gnas gnyis ka lho nang nas bton pa bod rgyal po mchod yon la mgo gtad zhus pa bzhin gyi rgyab dpung la bod nas 'brug par dpung 'jug thengs gnyis mdzad par snga mar yang sde pa 'brong rtse ba sogs bzung btsir khag pos jus legs rang ma byung na'ang / rjes ma zla ba bcu pa'i nang dpung shin tu