[A:371]sngar phan snod ldan bcu phrag lhag par mi gnang ba'i bka' rgya yod pa bzhin/ 'di ras kyang bka' yangs dogs kyi mtshan ltas gzigs pa'i mnal lam du 'jam dgon bsod nams dbang po 'di nyid sku gzi mdangs 'bar bas zhabs gnyis ka rje nyid kyi dbu thog tu bzhag ste brgyud pa'i byin rlabs bka' bsgo smin rgyas stsal ba zhig byung bas ga tsam la gnang yang 'tshub cha med par thugs thag chod kyang / slar zab chos khrom sgrags kyi rgyun 'byams kyis dgos pas lnga bcu skor la gnang / zla ba bcu pa'i nang du'ang thugs sras 'jam pa'i dbyangs kyi gtsos gzhis byes ser skya brgya phrag du mar gur drag gi dbang bskur ba stsal/
dgung lo nga bzhi pa lcags stag lor thugs sras rin po ches gtsor mdzad gzhis byes shin tu mang po gsung ngag rin po che lam 'bras bu dang bcas pa tshogs bshad kyi smin khrid dang / slob bshad lam skor phyi ma brgyad kyi lung khrid rgyab chos lung gi rigs phyag bzhes rnam dag ltar lam sbas bshad ma gtogs smin cing rgyas pa gsang ba bcus rgyas btab dang bcas zla ba gsum gyi bar du zab chos kyi 'khor lo rgya chen po bskor/ sa chen gyi sku brnyan gser zangs kyis che legs can grub par rab gnas gnang / bcom mda' mkhan po dkon mchog 'phel ba dang slob dpon