[A:36]brang pa/ zhes so/ /
gnyis pa de'i don cung zad bshad pa la/ spyi don dang gzhung don gnyis las/ dang po ni/ 'jam mgon a mes zhabs kyi gsung rab de nyid na/ 'jam dbyangs kun dga' bde legs nas/ 'jig rten rgya hor gyi sras sku mched gsum gyi bar la rnam par thar pa nyung ngu las ma gsungs pas na/ de rnams la rnam thar cung zad rgyas tsam re brjod na/ de yang gnas lnga rig pa'i paNDi ta chen po kun mkhyen mkhas pa'i dbang po bsod nams seng ges 'debs par mdzad pa'i dpal thub bstan rnam rgyal gyi gdan rabs bcu bzhi pa shar mdo khams kyi paNDi ta chen po ngag dbang bstan pa'i rdo rjes mdzad pa'i rtse gdong khri chen 'jam dbyangs kun dga' bsod nams lhun grub kyi rnam par thar pa yon tan yid bzhin gyi nor bu rin po che'i za ma tog bkod pa las gsungs pa bzhin la cung zad kha bkang ste 'dri ba ni/ de yang lha rigs 'khon sa skya pa'i gdung rabs las rje btsun sa skya pa chen po kun dga' snying po la sras bzhi byon pa'i chung ba'i sras sku mched gnyis kyi gcung gi sras 'phags pa sku mched bzhi'i chung ba ye shes 'byung gnas kyi sras bdag nyid chen po bzang po dpal la sras du mar byon pa bla brang khag bzhir gyes