[A:37]pa las/
che ba bzhi thog bla brang pa la mkhas btsun chen po nam mkha' legs pa la sogs pa'i skyes chen du ma byon/
de 'og bla brang rin chen sgang pa la 'jam dbyangs don yod rgyal mtshan dang/ bla ma dam pa bsod nams rgyal mtshan la sogs pa'i skyes chen du ma byon/
de 'og lha khang bla brang pa la theg chen chos kyi rgyal po la sogs pa'i skyes chen du ma byon no/ / bla brang de gsum gyi gdung brgyud ni ding sang mi bzhugs so/ /
chung ba dus mchod bla brang pa la rtse gdong bla brang pa zhes grags shing bla chen bsod nams blo gros dang/ dbang rnam sras rgyal mtshan la sogs pa'i skyes chen du ma byon/ khyad par du bdag chen nam mkha' bkra shis pas gdung spel gyi go sar bzhugs skabs/ mdo rgyud rgya mtsho lta bu'i mnga' bdag paN chen shes rab rin chen stag tshang lo tsA bar grags pa dang/ gnas lnga rig pa'i paN chen mi nyag grags pa rdo rje rnam pa gnyis kyis rdo rje 'dzin pa du mas dpal gsang ba 'dus pa 'jam pa'i rdo rje sa lug kyi sgrub mchod nar ma dang/ dge 'dun du mas 'jam dpal mtshan brjod kyi rgyud la zhal 'don mdzad pa'i rgyun