[A:374]lung du ma gnang / dar rtse mdo nas sa yam gnyer pa dpal ye mjal zhu ched gtad du 'bul chen bcas 'byor bar rdo rje phur pa stod las kyi dbang sogs chos kyi bdud rtsi rgya cher stsal zhing / lha khang chen mo'i khyams stod kyi gyang ris rnams grub ste rab gnas stsal/ nyang stod rtse chen nas bla gra thams cad kyi zhus ngor 'jam dbyangs bsod nams dbang phyug dral lcam dang / mkhan chen bsam gtan rgya mtsho sogs 'dus tshogs mang por gsang chen mkha' spyod bsgrub pa'i myur lam thun mong ma yin pa nA ro mkha' spyod kyi byin rlabs dbang bzhi'i tshul du bskur ba sngon du 'gro bas bskyed rdzogs kyi khrid rim rgyas pa lam gyi yan lag rnams gsal zhing khyer bde bar nyams khrid dang / de dag gi rgyab brten yig cha rnying gsar du ma'i ljags lung / bde mchog rtsa rgyud le'u lnga bcu rtsa gcig pa'i lung bshad rgyas pa/ grub brgya'i rjes gnang rtogs brjod sogs grub brgya'i chos bskor yongs rdzogs/ sbyongs rgyud kyi lung bshad/ gcod yul gyi byin rlabs khrid lung mtha' mchod sogs dbang bka' khrid lung brjod du mi langs pa zhig gnang / 'di lo byang bdag kun dga' bsod nams grags pa ched phebs kyi gzhis byes kyi chos nyan pa du mar gsung ngag rin po che smin rgyas su gnang /