[A:378]pa'i bsnyen bkur byung bar/ bka' gdams lha bzhi'i rjes gnang khrid/ jo bo'i chos 'byung brgya rtsa/ blo sbyongs sogs zab cing rgya che ba'i chos bka' dpag tu med pas rjes 'dzin dang dpon g.yog tshang mar zang zing gi gnang stsal rgya chen pos kyang yid spro bar mdzad do/ /skabs shig thub stan nas grwa skor ba byams chos pa kun dga' bsod nams grwa skor grub nas 'gro grabs la bshol nas chos zhu ba 'ga' dang lhan cig dbang lung khrid bshad rgyun ring gnang grub nas/ byams chos pa la 'o kha sing nas sdod zer ba yang khyod bstan pa la phan pa zhig e yong bsam pa yin/ gzhon pa tshos kyang bstan pa spyi dang bye brag kun mkhyen chen po'i bstan pa la bsam nas bshad sgrub dang 'chad nyan sogs la brtson par bya dgos sogs phebs sgo ci mang zhig stsal bar mdzad pa/ de dus byams chos pa 'chad nyan kyi go sa med kyang / phyis su srid gsum rnam rgyal gyi slob dpon dang / thub bstan rnam rgyal gyi khams pa grwa tshang gi slob dpon bstan pa la phan slebs can byung ba yang 'byung 'grur lung bstan du gsal lo/ /gzhan yang snod ldan rags bsdus shig la chig brgyud kyi tshul du rje tshar pa'i ha la nag po'i be bum kha bskong dang bcas pa stsal/