[A:385]bla ma gong ma rnams kyi thugs rje dang chos skyong gi nus mthur snang / nged phar tshur 'gro phyogs la gzigs nas chos skyong rnams kyang mnyam du 'byon pa'i rmi lam rgyun chags su yong gi 'dug ces gsungs/
dbyings sa phyag mdzod chen mo nas kyang bang phyin 'bul ba bcas pa'i zhu yig tu/ da lam 'gro phan la thugs 'gan tshad med pa bzhes nas chings 'dum don 'khyol byung ba sku drin shin tu che bas ngos nas mjal thub zhig dgos kyang brel bas ma grub song bas/ slar dbus phyogs su mjal 'dug thog zhib rgyas phul chog pa zhus/ de nas rim pas bya sper phebs nyin thugs sras 'jam pa'i dbyangs sku 'khoor chab 'bangs bcas phebs bsur byon/ phyir nyin gdan sa nas phebs bsu'i bkod pa rgyas pa dang bcas phebs nas/ chos sde dag la 'bras 'jam mang 'gyed sogs rgya cher gnang / ston mjug tu yar lung nas bka' 'gyur ba chen po mgon po bsod nams mchog ldan sogs la zab rgyas kyi chos 'khor bar ma chad du skor/ sngar dus mkhan chen ngag dbang chos grags la sku tshe brtag par zhus pas drug cu rgal nas re gcig par sku rim skyid ston sogs dgos tshul ltar 'di lo phyag len du theb par mdzad/