[A:388]skya mang pos dad gus rtse gcig pas mjal kha dang bka' chos zhus 'bul ba bsam gyis mi khyab pa phul/ rje nyid nas smon lam chen mor mang 'gyed rnam bzhag stobs che ba dang / dbus phyogs kyi dgon sde che phra mtha' dag la mang 'gyed stsal/ de nas kyang bsam yas chos skyong chen pos 'phral 'byon zhu bar 'byor bstun/ mchod yon la yang de tshul gnang bar/ rgyal dbang mchog dbyings sa phyag mdzod rin po che bcas nas 'bul ba bsam gyis mi khyab pa phul/ mchod yon gyi sku 'khor rags bsdus kyis gru kha bar phebs skyel bka' drin bskyangs gnang cha gya nom pa stsal/
bsam yas zung mkhar du phebs tshe mkhan tshang pa sogs phebs bsur 'byor phyir nyin ser phreng gi bkod pas/ skyid shod zhabs drung nas kyang phebs bsu rgya chen dang bcas pho brang du phebs/ de'i sang nyin pe har lcog gi rtser bsangs mchod rgyas par gnang / chos skyong chen po yang 'phral du rang phebs byung bar/ rje nyid dpon slob re zhig lcog gi phyir phebs/ chos skyong gi sku chas bzhes grub pa'i brda' sbyor dang bstun slar phebs tshe/ zhal ngo sngon ma rnams la chos skyong gi phebs bsu rdo skas kyi mgo las byon srol med kyang / de nyin skas len la ring stabs rgyug 'dral dang bcas khyams ra 'og ma'i phyi sgo bar du phebs