[A:391]so nas ser phreng gi phebs bsu gzab bstar kho nas gdan drangs pa bzhin phebs nas mang 'gyed dang bka' chos kyis tshim par mdzad/ khyad par rdo rje gdan du zhag bcu gsum bzhugs pa'i ring la chos rje bka' 'gyur ba bsod nams mchog ldan gyis dbus dad 'dus rnams la yi dam chos srung gi dbang bka' byin rlabs dpag tu med pa dang / chos sder mang ja bcu gsum/ dam rdzas/ gser 'gyed sogs phun sum tshogs ba gnang / de nas chos rje bka' 'gyur ba sogs kyis gam pa byang thang bar phebs skyel zhus par/ rje nyid nas bka' 'gyur ba la/ da 'di kha nas log phebs/ slar dag pa'i zhing du mnyam du 'gro 'on kyang rang re gnyis zla gcig tsam gyis snga phyi 'ong ngam gsungs pa dang sngar brtan bzhugs phul dus kyi gsung gnyis mtshungs par phyis rje bka' 'gyur ba zhi bar gshegs rjes zhag nyer drug nas rje 'di nyid zhing khams brjes pa yin 'dug cing / phebs lam tu stag khu spe'i bla grwa mjal bar slebs par chos bka' dang mang 'gyed gnang / skyed tshal du ser phreng bcas spyan drangs pa bzhin mang ja lnga dang 'gyed stobs chen gnang / dpal de dang sna dkar rtser 'dod chos stsal zhing 'bul nod kyang rgya cher byung / rin spungs su skyed tshal gong ma'i bla grwa 'ga' zhig 'byor bar chos