[A:393]nA ga raksha'i li sku khyad mtshar zhig dang / tsa tu rmu kha zer zhing zhal gyi rten rdo ngo mtshar ba rten rdzas bcas phul lo/ /
de ltar sku tshe 'di nyid kyi mkhas dang grub pa'i rnam thar rmad du byung bas bstan 'gro'i don rgya chen po mdzad pa'i tshul de dag kyang 'khor lo gsum du mdor bsdu na/ nges don rgyal ba thams cad kyi yab/ dam pa'i chos thams cad kyi dbang phyug 'phags mchog 'jam pa'i dbyangs nyid las gzhan du ma dmigs kyang/ ston pa yang dag pa'i bstan pa'i khyad par rgyu med 'bras bu skye ba'i snang tshul 'gog pa'i phyir du bslab sbyangs gsan bsam dpag tu med pa zhig mdzad pa'i tshul bstan pa'i rigs kyi bdag po ni 'jam dbyangs bsod nams dbang po/ yab rje grags pa blo gros/ grub mchog mthu stobs dbang phyug sku 'bring kun dga' dbang rgyal/ mus chen 'khor lo sdoms pa/ e waM thar rtse pa nam mkha' dpal bzang / bdag chen 'jam pa'i dbyangs bsod nams lhun grub/ 'bum chen kun dga' dpal 'byor/ nags dgon pa sbyin pa grags pa/ rdo rje 'chang dbang phyug rab brtan/ mkhan chen ngag dbang chos grags/ spyan snga kun dga' don grub ste yongs su 'dzin pa bcu gnyis/ mnyes pa gsum gyi zhabs tog gi sgo nas mdo sngags gsar rnying dam pa'i chos kyi rgya