[A:396]ba med cing / mgon po'i yi ge bdun la bye ba gnyis tsam/ yi ge bcu gnyis ma dang shA sa na 'bum phrag du ma/ chos srung so so'i bskang gso khri tshar mang po gtsug lag khang rnams su bla ma'i rnal 'byor la brten pa'i maNDal gsol 'debs smon lam rnams 'bum phrag lhag pa dang / bzang spyod khri tshar phyed gnyis lhag tsam/ sgrol ma'i mtshan brgya khri phrag du ma rnams zhal 'don dang / gzhan la yon dmar bar gnang nas bsnyen pa byed du 'jug par mdzad pa la oM gsum ma bye ba sum cu/ ma Ni dung tshar nyi shu rtsa gnyis/ bzang spyod 'bum ther kha shas/ sdig bshags smon lam ljags rtsom ma 'bum ther/ rnam rgyal gyi gzungs ring dang tshe gzungs rnams kyang shin tu mang po bsgrubs pa sogs thun mong gi rnal 'byor dang / khyad par gnas skabs kyi 'khor yug thams cad du mnyam rjes gnyis su med par snang grags rig gsum yi dam lha'i sku gsung thugs su dgongs pa'i rim gnyis zab mo'i rnal 'byor la gcig tu goms pa'i 'khrul zad grags pa rgyal mtshan gyi rnam thar bzang po kho na bdag gir bzhes pas thugs dam lam rtags kyang rtsa gsum lha'i zhal gzigs lung bstan bar ma chad pa dang / 'gro ba gzhan gyi 'byung 'gyur bde sdug skye gnas lkog gyur mngon par mkhyen pa thogs pa med pa sogs grub