[A:405]bcas lus zungs 'di yang zhan du ka 'gro ba zhig 'dug pas/ nga rang bstan pa'i bya ba yang de tsam yin 'dug cing / ma grub snyam pa'i 'gyod pa yang cher med/ lo gzhon nu nas chos la dag snang che ba byas pas bla ma rnams kyi spyan 'bras lta bur dgongs pa byung / nged rang gis kyang so so'i bka' bzhin bstan pa rin po che'i 'dzin skyong spel gsum la ngal ba lhur len bgyis pas da bar bstan 'gro la yang phan pa dga' rab byung zhing / lhag par chos rgyun dkon pa rnams yang spel thub cing / bsngags 'chang chen po'i bstan pa'i rgyun 'di yang yar ldan kho na byung bas blo bde/ da ni bstan pa'i bya ba mi thub pa'i lus rten 'di brjes na legs sogs zhing khams gzhan du dgongs pa gtad pa'i gsung kho na byung /
de skor zhabs brtan 'bul mi shin tu mang bas/ bzhugs gdan rdo rje'i ri mo can kho na'ang brgya phrag nye bar byung zhing / skabs shig lha khang chen mo'i dge 'dun byings gling mtshan mthun sdebs dang / spyir las 'dzin sger bcas kyis zhabs brtan phul bas/ grwa pa 'di rnams kyis snga phyir nged bsam pa byas/ da lam yang do gal chen po byas byung yang / nged la phan pa cher med rung kho rang tshor bla ma gong ma'i byin rlabs 'jug ces sogs