[A:408]par gtor bsngos kyi bar sngar ltar rgyas par gnang rjes gtor ma 'bul grabs kyis gsungs pa dang lhan cig gtor ma la phyag mdzub gtad nas bde kyai gsang gsum la sogs pa'i rtsa brgyud kyi bla ma yi dam chos skyong srung ma'i tshogs dang bcas pa rnams la 'dis mtshon pa'i dus gsum bsags pa'i dge ba'i dngos po rnams kun tu bzang po'i mchod pa'i sprin gyi phung po lta bur gyur nas bskal pa ji srid gnas kyi bar du 'bul bar bgyi'o gsungs nas smon lam dang 'phrin bcol mang zhig gnang /
de rjes sgrol ma'i mtshan brgya zhal 'don gnang bzhin pa'i mur tshogs chen gyes song ngam gsungs/ cung ma gyes zhus pas de mus su bzhugs/ de nas tshogs chen grol ba'i bkra shis kyi mjug gi ki sgra gsan 'phral da grol ba yin 'dug thugs dgyes nyams chen po dang bcas gdul bya rtag 'dzin gyi blo can rnams la 'dus byas kyi gnas tshul bstan pa'i phyir mgo zla ba'i yar ngo'i tshes bcu dpa' bo mkha' 'gro 'du ba'i dus tshes khyad par can gyi srod kyi char rje btsun grags pa'i 'phel gdung dang sngags 'chang chen po'i dam rdzas shig bsres la khur shog gsungs gsol grub 'phral zhabs rdo rje skyil krung / phyag gnyis rdo rje khu tshur thugs kar bsnol/ sku rgyab phyogs su cung zad nye nyams kyi rgyud