[A:411]ba bzhin babs pa btsun chung 'ga' res lha khang chen mo'i gling dbar nas btus pa shog thum byas byung ba dang / gdung khang gi drung du mang du babs pa ting phor gang btu rgyu byung ba mchod rdzas su phul/ dbu thod phal cher ril bor byon par bde mchog dpa' gcig rdo rje rnal 'byor ma/ gur mgon/ rnal 'byor dbang phyug rnams kyi sku brnyan dang / yig 'bru sogs shin tu gsal ba dang / ring bsrel du ma/ phyis su dung gi tshems shig 'khrungs pa de yang ril por byon pa sogs gdung rten bsam gyis mi khyab pa byon/ gdung rus lhag ma shel ltar dwangs ba rnams dri bzang gi chus sbyangs te 'jam dbyangs bsod nams dbang phyug nyid kyis sangs rgyas byang sems bla sku sogs kyi satstsha chig stong chig brgya nga gsum phyag 'debs la gser zho bcu drug ljib gsol mdzad nas gdung rten rnam rgyal mchod rten 'dzam gling rgyan mchog 'di nyid dang / rje nyid kyi sku tshab thog tshad ma/ rnal 'byor dbang phyug gi sku brnyan mi tshad tsam pa rnams kyi bzo rgyu gser dngul phra rgyan sogs bsdoms par dngul srang khri phrag gcig lhag pas bzo bkod khyad par can du bsgrubs pa 'di dag tu gzugs dang byin rten dpag tu med pa bcas bzhugs shing / de dang stabs gcig rgyal ba'i 'khrungs rab dpag bsam 'khri