[A:420]bco lnga'i nyin yab rje rdo rje 'chang nyid kyang lhan cig bzhugs khrir phebs te skabs de'i 'brel zhus rnams kyi dge rtsa rdzogs byang du smin pa dang / bstan 'groo'i phan bde spel ba'i bden tshig rdo rje'i gsung bsngo rin po che gnang / gzhis byes nas khri 'bul gyi dngos po blo'i ra ba las brgal ba spungs pa phal cher de nyid du mchod sbyin gyi phyag ring brkyangs pas thams cad chos dang zang zing gi 'byor pa lhan cig pas tshim par gyur/ 'di lo 'dar grangs tshar chen rin po che bla slob kyi sku gdung la zhugs rkyen byung ba'i gdung rus rnams gdan sar phul ba yab rje mchog nas thugs stsol gyis phyag tsha dngul gdung sogs bzhes par mdzad pa zla drug pa'i nang zin pa'i rab gnas kyi nyin yar lung dbon rin po che mgon po bsod nams mchog ldan nas rje 'di nyid kyi khri ston snga sor 'bul ma thub pa skyel mi 'byor bas/ yab rje mchog nas rten 'brel legs pa'i mnyes tshor gyi gsung mang du gnang ba bzhin/ rje 'dis dus phyis su tshar lugs kyi bzhed srol mtha' dag dar rgyas mdzad pa'i dge mtshan du snang / de lo dgyes rdor gzhi bsnyen mthar phyin gnang / 'di bskor snga phyi sogs su yab rje rin po che dang gzhan yang rigs kyi bdag po rnams las zab rgyas chos kyi rgya mtsho ji ltar gsan pa'i tshul ni gsan yig chen mo