[A:427]nyams 'khrid lung 'khrid ljags lung sogs rnam grangs drug cu tsam gyis bzhed don re skong mdzad/ byang bdag rje bsod nams grags pa dang / snye mo rje btsun ma sogs kyis zhus ngor lam 'bras bu dang bcas pa'i nyams 'khrid cha lag dang bcas pa yang stsal/
dgung grangs so gcig par rigs sras 'jam pa'i dbyangs chos khrir chen mor mnga' gosal sogs 'og de nyid kyi rnam thar skabs su gsal ba ltar dang dga' ston rgyas par bstsal/ nyin gsum bar yab sras lhan cig phebs te bstan 'gro'i phan bde spel ba'i gsung bsngo bkra shis kyi me tog sil ma bsnyil ba'i mtha' brgyan/ 'di lo byang bdag po ngag dbang bso nams grags pa sogs mang por kyai rdor bka' babs bzhi'i dbang bskur yang stsal/
dgung grangs so gnyis par byams pa ngag dbang rnam rgyal sku gshegs pa'i sku gdung zhugs 'bul gshegs rdzong sku rten dus mchod sogs phul phyin mdzad/ gzhan yang 'jam dbyangs bsod nams dbang po'i phyi rten du lha babs mchod rten/ sngags 'chang grags pa blo gros kyi phyi rten rnam rgyal mchod rten/ yab rje dam pa'i phyi rten byang chub mchod rten gsum po bde chen gling