[A:429]bskur ba gnang nas gzhugs chog grub rjes sang dkyil 'khor gang gnang rgyu'i stan gon gyi cho ga skyabs 'gro nas bkra shis bar mdzad rjes/ sang dngos gzhi gang gnang rgyu'i bka' sgrub kyi grabs yul mdzad nas thugs dam chag med rnams kyis rim pa la 'jug par mdzad de cung zad mnal ba tsam mdzad/ de nas snga dro'i thugs dam zab bzhes rnams gnang grub rjes sku bzhengs nas dngos gzhi'i bka' sgrub gnang ste bskur ba sogs kyis sgo nas zhag bcu gsum la ngan song sbyongs rgyud nas gsungs pa'i dkyil 'khor bcu gnyis kyi dbang bskur rdzogs par mdzad/ yang lo de'i phur sgrub grol rjes rigs sras 'jam pa'i dbyangs kyis gtsos gong mtshungs la zhag bcu gsum ring sbyong rgyud dkyil 'khor bcu gnyis kyi dbang bskur smin rgyas gnang / bde chen gling gi lcags ri/ gra shag sogs nyams gso'i zhal bkod mdzad/ zla ba bcu gcig par lcam sring mo kun dga' chos kyi nyi ma dag zhing gshegs par dgongs rdzogs phyi nang gi rten dus dran bcas rgya cher gnang /
dgungs grangs so gsum par yar lung gnas gsar dbon rin po che/ rje btsun ma bka' 'gyur ma bcas bka' chos zhu bar 'bul ba rgya chen lha khang spyi sger la gnam rgyan ka 'phan