[A:442]gtsang po pha kar 'byon stabs ma bde bar/ rje nyid nas dos rnams pha kar phyin tsam byung na sku nyid bcas ko bar phebs chog tshul sogs gnang ba ltar gru khar phebs phral gnam yul dro bas de nub gra phyir phebs pa na byings dmangs kyis sngar dus las nyi ma nyis 'gyur du ring ba byung bas rje yab sras kyis nyi ma bzung bar 'dug ces grags pa byung ba ltar don la'ang gnas/ de phyogs ser skya khrom tshogs bcas la chos sbyin rgya cher stsal/ de kha'i gtsug lag khang du mkhas grub khyung po rnal 'byor gyi thugs ring bsrel 'byon bzhin pa zhig yod pa de rje 'di'i phyag tu bzhes ma thag ring bsrel mang bar babs shing / ring bsrel gcig sgra dang bcas nas rigs sras 'jam pa'i dbyangs kyi phyag tu babs pa sogs ngo mtshar ba'i rtags mtshan kun la gsal bar byung / gra thang du phebs grwa pa mngon shes kyi chos khri'i thog nas khrom chen la tshe dbang gnang / gter bdag gling pa chen po yang mjal kha dang bka' chos zhu bar phebs par kyai rdor rgyu lam gyi dbang sogs bzhed skong bstsal/ de skabs ngan rkyen gyi dbyen sbyor la brten sgrub sde nam mkha' mdzod pa sdang sner yod skabs la gter ston rin po che nas 'di don gzhung sa yas phyin la snyan lhon thog sor chud yong thabs nan bskul dang / rje nyid