[A:445]dbus phyogs su rta pho'i kha lo bsgyur ba'i rten 'brel du gdug 'dres gtsug lag khang gi rtse nas g.yab mo lan gsum byed pas/ dge bshes nas rta pho'i kha lo g.yas su bsgyur ba re mdzod gsungs nas nas chos skyong yar phebs te gtsug lag khang gi steng nas ki sgra dang bcas pa'i mda' dar gyis g.yab mo lan gsum mdzad pa dang rje dpon slob rnams kyang chibs kha g.yas su bsgyur ba re gnang / rnam rab tu grwa tshang gis gtsug lag khang du gdan drangs nas 'bul ba gang 'byor bcas zhabs brtan phul/ mgon khang du gtor gzhi 'dzugs pa dang 'phrin bcol gnang / de nas phebs lam du chu rags rnams la phyag nas mdzad pas de phyin chu'i gnod pa ma byung ba dang rnam rab phyag 'debs la lo tog rgyun zhes la phyag nas gnang bas de phyin shin tu lo legs byung ba dang / tshe dbang gi tshe bum nor bu tshe ring la gnang ba las bdud rtsi chal chil du 'babs pa sogs byin rlabs kyi mtshan ma ngo mtshar ba yongs su grags/
gong dkar rdo rje gdan du phebs bsu rgya chen dang bcas phebs nyin 'ja' 'od kyi gur dang me tog gi char mthun grub tu byung / gsang ba'i mgon khang dam 'byar dkrol te rgyun gtor 'dzugs pa dang gsung bskang 'phrin bcol gnang /