[A:475]can gyi gos thang chen mo yang bzhengs pa'i 'go btsugs/
dgung grangs zhe lnga par gos thang chen mo rab gnas bcas grub/ kyai rdor nag po lugs kyi sku gsung thugs snying po kyai rdo rje dkyil 'khor bzhir phye ba'i dbang rgyun de nyid ngor du bar skabs chad pa 'di lo ngor mkhan po lhun grub dpal ldan pa la rgyun gso ba'i phyir gnang ba sogs gzhan yang dbang lung gi rgyun rgya cher spel/ chos skyong skor gyi sku thang che tshad bdun bkod pa gnang ba yang grub/ de phan gyi rten gsar bzhengs rnams la mgon po la brten pa'i rab gnas zhag bdun ma zhig gnang ba'i mtshan lam du/ yab rje rin po de nyid sku zil che zhing sku gzan ser po'i thu ba shing tog gis bskang pa zhig bsnams te/ khyed kyi rten 'di rnams la rab gnas byas pa yin nam gsungs byung bar yin lags zhus pas de legs 'dug gsungs te shing tog nas rten rnams la 'thor ba mdzad pa'i thugs snang shin tu gsal bar byung ba ni gdan sa 'di nyid kyi phrin las rgyas pa'i rtags su mngon/ yang gong ma rnam lnga sgrol dkar nor lha sogs rtsa gsum 'ga' zhig gi zhal thang dgu gras bzhengs te dbang khang du bzhugs su gsol/
dgung grangs zhe drug par rten bzhengs dang bka' chos