[A:478]gang gang gsan pa nas bzung gsan don snying por dril ba'i rgyun gyi nyams bzhes la'ang / tho rengs lhag pa'i lha'i ldang ba'i rnal 'byor gyis bzhengs nas/ zhal gyi tshe sgub gur bdun ma nas bzung / bla ma'i rnal 'byor dang yi dam gyi bdag bskyed bcu phrag lhag pa/ lam 'bras brgyud pa'i gsol 'debs dang /
gong ma lnga bstod sogs bla ma brgyud pa'i gsol 'debs rigs bcu gcig tsam dang / yab rje rin po che'i gsol 'debs 'jam dbyangs rigs thig ma'i sho lo ka dang po brgya tshar dang yongs rjogs char re/ sgrol ma'i mtshan rgya/ kyai rdor bstod pa/ daNDa ka rnams dang / gtor ma brgya rtsa/ dbyug gu ma/ 'byung bzhi gtor ma/ sher snying bdud bzlog tshar gsum re/ bshags pa smon lam thugs brel dang bstun/ phur chung gtor bsngo chos skyong rnams la gsung bskang rgyas bsdus skabs bstun/ beg tse lcam dral gyi bskang gso dang / dgongs lo lam dus 'bring po/ zhal gyi tshe sgrub/ rdo rje'i brag rdzong ma/ 'jigs byed/ lam zab nang ma/ gshin rje tshe bdag gi bzlog pa rnams dang / gzhan yang skabs gseng rnams su mchog mthun gyi yi dam du ma'i bskyed rdzogs ljags bzlas bar med du gnang / don du rigs kun bdag po'i ye shes brnyes pa'i tshur mthong gis snang ngor ma