[A:480]gzigs pas bsod mgon gyi skye ba zhu lung du yong bar gsungs pa phyis su yin nges rtags mtshan gsal ba bcas byung ba sogs dang / chos skyong bran du khol bas 'gal byed tshar gcod rjes 'dzin lhan cig mdzad pa'i tshul yang / gdong na smon 'gro ba dang mchod gzhis sa khad 'brel nyi'i stabs rtsi med kyi spyod ngan byung bar/ gdan sa nas btso nyis sbrel thon pa kho pa'i gur gla tshal gyi gseb na yod pa'i steng du babs pa dang / gdong sna'i gling gsebs tu mi rkang gi sgra lan mang thos pa sogs nas mi ring ba gtan brlag tu song ba dang / phu dmar phyogs su bstan dgra zhig gi khang thog tu mtshan mo bong bus bro 'khrab pa mthong ba'i phyi nyin der gtor skam kha yar byung bas bred nas bshags pa rgya cher phul ba dang / yang log lta can zhig gis zhabs 'dren che tsam zhus par ma 'gyang par gdan sa'i nang gso'i rtsa khang gi sbug na dgra bo de mig gnyis phyir thon lus thams cad sbos nas e khyer khyer 'dug pas khams pa a khu bla ma zer ba des mthong 'phral kun la bshad pa bzhin mi ring bar dgra bo yang de kho na ltar gyur nas shi ba dang / phu ri'i 'brog par skye bo mi srun pa zhig gis 'tshe bar byung bar gdan sa'i thad nas btso mang po rgyugs te kho'i sbra thad du babs cing / nye sar pha bong chen po zhig