[A:482]pa'i rim pa'ang gsung ngag rin po che tshar bdun gyis gtsos pa'i bstan srid kyi khur bzhes phyin gyis gnas skabs phal cher chos kyi sbyin pas 'da' bar mdzad pa'i rnam grangs so sor brjod du ma langs na'ang zab rgyas kyi bdud rtsi de dag gsol ba'i zhal slob 'chad nyan nus pa rags rim ni gtso bor 'dzam gling bstan pa'i mnga' bdag rigs sras 'jam pa'i dbyangs ngag dbang kun dga' bkra shis grags pa rgyal mtshan dpal bzang po/ rtse gdong dbon rin po che bsod nams bstan 'dzin dbang po/ bdag chen ngag dbang nor bu bsod nams dbang gi rgyal po/ rgyan mchog ngag dbang nor bu rgyal mtshan te gdan sa gong 'og gi gdung brgyud rin po che zhal ngo bzhi/ lung rtogs rgya mtsho'i mnga' bdag byams pa ngag dbang rnam rgyal/ mkhan chen rin chen bsod nams mchog grub/ rgyal rtse bdag po ngag dbang bsod nams rgyal mtshan/ bzang ldan mkhan po bsod nams grags pa/ ngor mkhan chen lhun grub dpal ldan/ grangs chen mkhan po ngag dbang bstan pa rab rgyas/ bsgyi chu'i mkhan po ngag dbang dpal bzang po ste bla slob zung 'jug tu gnang ba bdun/ yar lung dbon riin po che bsod nams mchog ldan/ ngag dbang blo gsal mchog ldan gnyis/ ngor mkhan chen bsod nams rgya