[A:485]rig rtsa ba'i dkyil 'khor gyi dbang chog lho sgo bar do'i chos bshad bcas/ tshar lugs rdo rje rnal 'byor ma'i dkyil chog yang dag mar me dgu pa'i mtho yig kyai rdor bka' babs bzhi'i dbang chog mdos chung skyid sbug pa'i rnal 'byor ma'i bsgom bzlas tshogs 'khor dang bcas pa'i dris lan sogs chos tshan bcu bzhi tsam gnang/
de ltar sku tshe'i ring du bstan 'gro'i phan bde sgo du ma nas spel ba'i rgyal sras mchog gi rnam par thar pa kho nas dus 'da' bzhin pa nas dgung grangs zhe brgyad pa de nyid du lho bod kyi 'ching gi dus mtshams rdzogs pas thugs brtse bas kun nas bslangs te phebs bzhed kyi skabs shig mnal lam du/ dpal mgon zhal gyi sprul pa yin rgyu'i zhabs 'bring ba'i grwa pa gcig gi rnam pas/ gnas khams gsum 'khor ba'i mun dkyil du/ /lus dal 'byor bco brgyad tshang ba 'di/ /las ma 'bad 'grub pa ngo mtshar che/ /'di yun ring mi sdod mi rtag pa/ /zhes pa zhig gsan nas mnal sad pa na mi rtag pa bskul ba'i tshig de legs rgyu rang med dam dgongs pa byung /
de nas chibs bsgyur nye ba na/ gdan sa'i bla ma slob dpon las tshan gra rigs bsam gnas rags bsdus bcas la