[A:490]gsang gsum chos skyong gur zhal sogs 'di bzhin byon byung gsungs/
nyer bzhi'i nyin nyi ma ma zhud tsam la phyag mdzod gsol gzim gsum la/ da khyed gsum 'dod pa gcig tu byas pa'i phyag mdzod kyi ngag bzhin hur thag dgos lugs sogs lugs gnyis kyi bslab bya ma 'ong lung bstan ci mang zhig stsal rjes/ 'phel gdung dang gong ma'i dam rdzas gdung rus khyung po'i thugs las byon pa'i ring bsrel sogs sbyar ba bzhes phral/ zhing 'di'i mdzad pa re zhig rdzogs nas zhing khams gzhan du 'phrin las kyis 'jug pa yangs par dgongs te rgyud sde rin po che nas gsungs pa'i 'da' ka ma'i rnal 'byor gsal 'debs dang bcas gzugs sku chos dbyings su bsdu bar mdzad nas nyer lnga phyi ma'i nyi ma phyed yol bar du gsal stong zung 'jug spros bral phyag rgya chen po'i dgongs par mnyam par bzhag nas de mtshams dbu gtsug nas dbu thod gtsug tor gyi tshul du thag sgra shin tu che ba dang bcas 'phags te byang sems kyi zil pa nyil le ba dang bcas 'od gsal las bzhengs nas dpal bo rnal 'byor ma'i tshogs kyis mkha' spyod dag pa'i zhing du spyan drangs par gyur to/ /
de tshe rjes 'jug thams cad ci bya gtol med du lus pa'i