[A:498]grags pa rgyal mtshan dpal bzang po zhes mtshan gyi gling bu srid na snyan pa 'di nyid ni rgyu mtshan gzhan dag gi sgo nas sngags 'chang chos kyi rgyal po ngag dbang kun dga' rin chen nyid kyi sprul par grags che zhing / gzhan du mkhan chen thams cad mkhyen pa ngag dbang chos kyi grags pa'i sprul pa'i skur yang rtags mtshan du ma'i sgo nas gsal te/ de dag gi sprul gzhi sku phreng sogs ni gzhan du gsal ba bzhin la/ 'phags chen dam pa'i rnam par 'phrul pa mtha' gcig tu ma nges pas thugs rgyud gcig pagcig ba sogs su mi 'gal yang / 'dir khyad par du bod kyi lha btsan po khri srong lde btsan gyi sku ring la/ phal cher rgya gar gyi paNDi ta lha dbang byang chub dang / dA na shI la sogs dang paN lo mdzad nas dam pa'i chos dpag tu med pa bsgrur ba'i 'jig rten gyi mig gcig tu zhang gi lo tsA ba bande ye shes sde zhes pa de nyid dag pa'i skye ba du ma brgyud pa'i tha ma rgyal ba gzhan gyis spangs pa'i rtsod dus gdul dka'i gangs can 'gro la ched du gzigs pa'i rgyal sras mchog gi snying stobs brling ba rje 'di nyid yin pa ni/ rtsod bral dus bab kyi gter chen lo chen bai ro'i rnam sprul rig 'dzin gter bdag gling pa chen po 'gyur med rdo rje'i sha 'ug gi gter byon zab lam thugs rje chen po bde gshegs kun