[A:499]'dus kyi lung byang du/ ye shes sde sprul mchog gi snying stobs canaH 'khon gyi rigs las mang ga'i ming can 'byung : zhes 'khrul med lung gi yi ge dus gsum sgrib thogs bral ba'i smyug gus bris pa phyogs kyi rtsigs logs su gsal bar shar ba 'di nyid ni yab rje dam pa ngag dbang bsod nams dbang phyug de nyid dgung grangs bco brgyad du phebs tshe/ rgyal yum dam pa bla brang shar pa'i lcam gcig pad dkar bu khrid ces bya ba'i lhums su zhugs pa nas bzung yum nyid la byams dang snying rje rang shugs su 'khrungs pa dang / dbul phongs la rjes su brtse ba'i sbyin pa lhug gtong sogs rnam dkar la thugs spro zhing mnal ltas su'ang lus las 'od kha dog lnga 'phros pa'i dkar po de cher 'phel nas 'jig rten thams cad khyabs snyam byed pa dang / de skabs dngos su'ang nyin bzhin gsol tshigs grol mtshams sbrang bu yid du 'ong ba zhig gis sku lus thams cad nyug bstar chags su byung ba/ 'jam mgon a mes zhabs la yum rang gis rgyu mtshan zhu bar mdzad pa'i tshe/ byang chub sems pa'i sprul pa khyad par can zhig lhums su zhugs par lha rnams kyis khrus gsol ba'i rtags su 'dug gsungs pa sogs phyi nang gi ngo mtshar ba'i dge ltas rgyun mi chad pa nas me spre sa ga zla ba'i dus tshes dge bar