[A:503]khrir phebs nas de skabs kyi lhag bsam dag pa'i 'brel thogs rnams kyi dge rtsa bstan 'gro spyi'i phan bde'i dpal du gsung bsngo rin po ches rgyas 'debs dang / khri 'bul gyi dngos po phal cher mchod sbyin du bstsal/
dgung lo bco lnga tshun la gdan sa chen po'i sgrub mchod rgyud 'don dus rim bskang zlog rigs nyi shu skor thugs 'dzin phyag len bcas byang chub par mdzad/
bcu drug par rdo rje gzhon nu'i gsung bsnyen smin rgyas gnang / 'di skabs cho 'phrul zla ba'i tshes gcig la rgyal yum dam pa de nyid sku gshegs par thugs ngal gyi rnam pa dpag tu med pa gnang zhing rgyal yum nyid kyi dgongs pa dag pa'i zhing du rdzogs pa'i gsung smon rtse gcig pa dang / bsags sbyang mchod sbyin sger pa rgya cher mdzad/ dgung grangs bcu bdun par mgon khang rnams su phrin bcol rgyas pa dang bcas kyai rdo rje'i bzhi bsnyen la bzhugs pa'i khongs su thun mong dang thun mong ma yin pa'i zab lam du ma'i sgo nas lus sbyong 'khrul 'khor sogs kyang smin par gnang ba'i ngang nas kha skong sbyin sreg bcas gnang tshe rim pa gnyis kyi lam la goms pa mthar son rtags tha mal gyi snang grags rig gsum lha