[A:505]nas de ring gu ru padma dngos su mjal zhes sogs gus spro'i gsung bcas me long dang lha dar tshon tshogs zhig phul te/ me long g.ya' dag pa 'di 'gro don la sgrib g.yogs med cing phrin las ches cher gsal ba'i brda' yin/ lha rdzas tshon tshogs ring zhing bkrag mdangs che ba 'di zhi rgyas dbang drag gi phrin las rgyun ring por gnas pa'i brda' yin pas pad ma'i rnam sprul gyis go a byung sogs shin tu dgyes pa'i rnam 'gyur mdzad/ gong dkar rdo rje gdan du rje nyid nas tshogs chen la rdo rje phur pa'i stod las byang chub sgrub pa'i bka' dbang gnang / de skabs shig tu gong dkar ba'i grwa rigs 'ga' zhig gis mthong bar rje 'di'i phyag tu 'bru dum pa zhig bsnams 'dug pa yud tsam nas 'bru rnams gcig tu 'jim pa bzhin brdzi bar mdzad pa phyag gnyis kyis ring por 'then nas yab rje la gzigs phul bar zhal 'dzum pa zhig mdzad pa'i mthar khri rtsa der g.yug par mdzad song ba gong dkar grwa rigs tshos btsal yang ma rnyed zer ba'i grub pa'i mtshan ma'ang bstan/ de nas rim gyis chibs btegs te ring por ma thogs par gdan sa chen por phebs/ mgon khang rnams su gtang rag gi gsol mchod rgya cher gnang /
dgung grangs nyer gcig par bde mchog gi ljags bsnyen