[A:510]de rjes gtam ngan skyel ba'i bang chen rting ma slebs tshe dpon slob thams cad dran med du had pa'i murathams cad kyis yab rje de nyid kyi sku drin rjes dran pa'i dgongs pa rdzogs thabs la blo kha chig sgril gyis rig pa hur bton rje nyid nas sku gdung rin po che 'dir ma phebs bar nga rang gi gzim chung nas gser dngul ja gos dar sogs gang yod mchod 'bul du 'gro ba gyis gsungs pa nas bzung / sku gdung phebs nas zla ba gsum gyi bar mchog gi rdo rje 'dzin pa rje drung bstan pa rab rgyas kyi gtsos pa'i dge 'dun tshogs nas gdung mchod rgyun ma chad pa dang / dgongs rdzogs dngos gzhi bdun phrag re re'i mtshams mang 'gyed rgya che ba dang / phyogs mthar yang mchod bsngo dang mang skol dpag tu med pa bstsal/ zla ba bcu gcig pa'i gzhug tu sku gdung rin po che zhugs sbyangs zhus te gdung rten dngul gdung mthong ba don ldan bzo bkod khyad 'phags thog so gsum pas gtsos phyi nang gi rten bzhengs rgya cher bsgrubs pa rnams gong yab rje'i rnam thar du gsal ba bzhin dang / 'di la dbus gtsang phyogs khyab tu 'brum nad byung bar rje nyid nas khyed rang rnams bag tsha mi dgos nga la 'brum pa'i gnod pas mi tshugs zhes yang bskyar phebs pa dang / srung ma bse khrab can gyis kyang