[A:517]sman pa am dznyi dha na 'jun bya ba lag rtsal che zhing mig 'byed la mkhas pa de 'byor bas rten 'brel rang 'grig ngos rje nyid nas mkhan chen la spyan dbye mdzad dgos shing bar gcod mi 'ong tshul phebs par mkhan chen nas da na so rgas pa sogs nas mig gi dgos pa cher med kyang bka' bzhin dbye bar zhus pa ltar phye bas ji phebs ltar 'phral zug tsam yang ma byung bar gsung chos gzhan yang rgya cher gsan pa mthar phyin par mdzad/ phar yang bka' chos du ma gnang/ thub bstan rnam rgyal gyi mkhan chen bzang po rgyal mtshan spyan drangs te gong ma lnga'i bka' 'bum gyi lung gsan pa'i dbu btsugs/ re zhig nas chos mtshams mdzad de phyis su gang phebs nas bka' 'bum 'phros dang / gzhan yang snga phyir mkhan chen 'di nyid las chos bka' dpag tu med pa zhig gsan pa'ang gsan yig tu gsal/ phan phyi dpon dpal 'byor bsam 'grub pas gser dngul/ dar gos/ byi ru/ spos shel/ rta phyugs/ sman ltang / mar ltang sogs dngos po'i 'bul ba bsam gyis mi khyab pa bcas dad mjal du 'byor bar bka' chos sogs re skong du bstsal/
khong rang dad pa dbang med du skyes pa'i shugs kyi maNDal skabs gser dngul mchod par gtor ba'i rdog po mchod dpon