[A:525]tshegs med tshugs yong gsungs pa bzhin nyin gsum gyi ring la zam pa gsum char brtan brling legs par tshugs/ de skor bka' phebs ji lta ba bzhin gegs 'tshe sogs ma byung bas phyis zhig sku rtsed kyi tshul du khyed rnams bla ma la yid mi ches pa'i skyon zhig yod/ da yid ches sam sogs kyang gnang / de nas theg chen rin po chee'i thugs dam ma'i kyai rdor blos bslang gi nyams gso rab gnas sogs mdzad/
dgung grangs so brgyad par mdar stod nas chos rje ngag dbang bstan pa rab rgyas pa zhi bar gshegs tshul gsan 'phral gzim dpon bsod nams blo gros sku gdung gi zhabs tog tu brdzangs par mdzad de bslabs ston nang bzhin gdung mchod zhugs sbyangs bcas mtha' gtsang bsgrubs pa'i gdung byon yig 'bru sogs khyad par ba rnams zur btus kyi gdung rus rnams gdan sar rje nyid kyi drung du phul bas zla shas bar mchod pa'i rten du bzhugs su gsol zhing de mtshams nas sbyangs btul la phyag tsha gnang ste rnam 'dren de nyid kyi 'dra sku bzhengs pa sogs dgongs rdzogs rgya cher mdzad/
de lo byang chub gling gi sprul sku yon tan rgya mtsho sku gshegs pa'i zhal chems su khong gi gdung rus rnams gdan sar phul la