[A:528]tshogs che yang rim 'gyang du song ba 'di lo gter ston rin po cher zhu yig gnang ba ltar gter chen de nyid kyi gcung sha 'ug gi chos bdag lung zin lo chen ngag dbang chos dpal zab chos sgo skyel gyi tshul du phebs par sne len bkur gzos rgya chen dang bcas rtsa ba'i zab chos de nyid dang gzhan yang rnying lugs kyi chos bka' dpag tu med pa zhig gsan/ lo chen la'ang yang dag mar me dgu pas gtsos pa'i zab chos dpag med gnang /
de nas lho bod mtshams kyi skye bo mi srun pa rnams kyi dkrug gzhi dang / lha sa'i blon chen pad ma rgyal po 'khor bcas 'brug phyogs la ngo bltas pa'i rkyen byas/ a 'dzin bod zhabs su yod par 'brug phyogs nas rgyab gnyer sogs la dga' ldan pho brang pa thugs ma song bas zing long du nye ba na/ rje nyid kyi thugs bskyed rmad du byung bas 'dum chings la chibs bsgyur/ lam bar du'ang chos kyi sbyin pa stsal bzhin pas chu mig shel mgor phebs dus gnas 'dir ma 'ongs pa na dam chig nyams pa'i snga ltas shig 'dug gsungs pa phyis su padma rgyal po khu mtshan chings mtshams las 'das nas dmar gsod byung ba de yin tshod 'dug rim gyis phebs te spre mo la'i lha khang ka gnyis kyi nub phyogs su bzhugs sgar gdan chags pa'i skabs shig gsungs las/ nged