[A:541]las 'das pa byung / rim gyis gdan sar phebs/
'di lo khams gser mdog bla ma dang sku skye sogs kyis gsol ba btab ngor gsung ngag rin po che khrid gzhung smin rgyas la rgyab brten lung gi skor che long bcas bka' drin bstsal/ gsung ngag grol nyin smon grol gling gter chen rin po che nas gsungs shog dang ratna gling pa'i gter byon slob dpon gyi sku mthong grol chen mo 'bul mi 'byor ba'ang dngos grub tu dgongs/ de mtshams shab tu chibs bsgyur gnang ste dge sdings pho brang gi gsang ba'i mgon khang dang Da Di'i mgon khang srid gsum zil gnon sogs su gtor gzhi gsar 'dzugs bcas gsung bskang 'phrin bcol smin rgyas gnang / rang zhabs dang phyogs 'dus kyi khrom tshogs dmar nag la'ang dbang bka' sku drin bstsal/ sa phyogs zhabs kyis bcags shing phyag nas 'thor bas byin gyis brlabs par mdzad nas gdan sar phebs/
dgung grangs zhe bzhi par gzhung sa mchod yon nas lo ngo gsum la ar po che chung sogs byas mi chog pa'i rgya sdem mdzad par rje nyid nas dgongs khrol zhu bar mdzad de gsang sngags bde chen gling gi lcags ri gra shag rnams dang / grags seng sku 'bum/ lha khang chen mo'i steng g.yab/ khor yug ldeb mthil