[A:53]klog yig phul bas brda' tsam bstan pas tshegs med du mkhyen pas ngo mtshar du 'dzin cing rim gyi chos spyod kyi rim pa rnams dang rdo rje phur pa la sogs pa'i sgrub dkyil gyi cho ga sogs la thugs sbyong mdzad do/ /
de skabs yab bdag chen kun dga' bde legs pa'i dbu blar e waM chos ldan nas brang ti pa paN chen nam mkha' dpal bzang pa bzhugs pa la kyai rdor la sogs pa'i dbang bskur ci rigs pa gsan pas smin par mdzad cing rjes gnang la sogs pa'i dbang bka' ci rigs pa gsan pa nas bzung sum cu rtsa gnyis su phebs pa'i stag lo rje brang ti pa zhing brjes pa'i bar du rje btsun de nyid dus skabs phal che bar rtse gdong du spyan drangs te gsung chos rnams bum pa gang byo'i tshul du gsan cing/ de yang nged rang gi zhu ba la ma ltos par/ 'di dgos pa yong gsungs nas dgongs pas dpyad nas chos tsho gnang ba zhig yod ces gsungs zhing/ rje dgung lo nyer gcig pa yos lo bsnyen par rdzogs pa gnang grub 'phral/ da thar pa rtse rang du bzhugs la gsung chos 'chad pa la brtson pa mdzod gsung ba'i bka' lung nan che ba phebs byung ba la/ nged rang de kha bzhin du zhu rtsis yod/