[A:543]gos ljang gu la dril ba'i bse sgam zhig gi nang shel bum nor bu'i kha rgyan can zhig gi kha rgyan gyi mtshams nas bdud rtsi chil chil lud pa zhig gnang byung / bdud rtsi de gsol bas ro mngar nyams dang mchog thun dngos grub thob pa yin snyam pa'i thugs la bde spro dpag tu med pa zhig byung /
dgung grangs zhe lnga par lha chen mthil g.yab kyi legs bris dkyil 'khor chen po drug cu re gcig bde dgyes gsang gsum bla brgyud/ so thar brgyud pa/ sa skya'i gdung rabs/ gzhan yang rgyal ba sras bcas chos srung sogs tshar du dngar ba mthar phyin bskrun/ 'di mtshams kyang snga sor padma rgyal po khu mtshan 'brug pa nas thon te gzhung du phyag 'bul la 'ong rgyu'i lam bar chu mig shel mgo nas lam sgug gis bsad pa'i 'khon lan tu/ 'bras ljongs dge 'brug spyi sding du yod pa 'brug pas sger bdag mdzad pa sogs kyis gzhung nas dpung 'jug mdzad par 'dum chings la shar mar chibs btegs nas phag rir phebs te 'brug phyogs la bskor yangs mdzad kyang / 'brug sde pa dge 'dun chos 'phel nga rgyal che bas rang phung 'dod pa lta bus khyod 'ching pa bla ma tsho mi dgos rdzogs pa'i sangs rgyas gtsug tor sngo ker re phebs byung yang / 'bras ljongs 'di nged kyi dpung gis blangs