[A:546]dgung grangs zhe brgyad par bla brang shar steng gi spang skya spod pa 'cham khang skor gyi nyams gso/ seng ge sgo'i nyams gso/ ma Ni khri skor 'dzugs pa sogs kyi zhal bkod gnang /
zhe dgu pa shing sprel lor gong sa rin po che drug pa chen po dpon g.yog lnga brgya lhag pa gdan sa'i gnas gzigs la phebs par/ ser skya byings dmangs kyis phebs bsu spyi 'gre ma gtogs/ rje nyid dang 'cham mgon sogs kyis mdun bsu mi dgos pa'i bkur bzos snga 'gros gnang ba bzhin thugs spro dang bcas bzhugs zhag gnyis la gsol ston 'bul dpangs rgya cher mdzad/ rgyal dbang mchog nas kyang gnang skyes phul tu byung ba dang / rten gnas zhib gzigs kyi mchod 'bul snyan shal yang 'gran zla med par gnang /
lo 'dir lha khang shar gyi maN thang chen mo bzo bkod gnang tshe klu mo gdug pa zhig gi 'tshub lhong gi rnam pas yang yang zhig pas bka' bsgo phyag nas gnang ba nas tshegs med du grub/ lha khang chen mo'i nub zur gyi rgyal mtshan che legs gnyis kyang 'di skabs sgrub gnang mdzad/ ngor mkhan chen tshul khrims dpal bzang dpon g.yog sogs la kyai rdor rgyu dbang / rje grol mchog zhabs kyi khrid brgya sogs dbang lung dpag tu med pa zhig