[A:563]zhig dang / gzhan yang mang po slebs byung gsungs/ yang gsung shub bu zhig gis ma hA kA la dang mkha' spyod ma bcas zhi khro'i lha tshogs rnams so/ /zhes kyang gsungs mur sngar nyin dam rdzas sbyar ba de nas dum gcig bzhes te tshes bcu dgu'i nyin phyed yol bar rgyud sde rin po che nas ji ltar bstan pa'i 'da' ka ma'i rnal 'byor gsal 'debs par mdzad de kun rdzob spros pa'i gzugs sku'i rnam pa de nyid/ don dam spros bral chos kyi sku 'pho 'gyur med pa'i dgongs par bsngu bar mdzad song 'phral sku 'khor thams cad mya ngan gyi gdung ba drag pos so sor 'gyel zhing bub nas re zhig brgyal te dran pa rnyed 'phral mchi mas brnang bzhin du sku gdung mchod pa'i grabs gshom la zhugs pa'i tshe/ gzugs sku bsdus pa las slar yang bzhengs te gsol ja zhig bzhes nas lung bstan 'ga' zhig bstsal rjes thugs rje chen po sems nyid ngal gso'i sku'i bzhugs stangs kyi rnam pas sprul snang de nyid chos dbyings su thim tshul mdzad par/ sku tshe'i ring nas mnyam rjes 'khor yug gi dgongs pas 'od gsal ma bu 'dres bzhin pa las lhag tu skabs 'dir ting nge 'dzin la 'jug cing ldang ba med pas de ma thag tu dbu'i gtsug tor gsal por 'phags te mkha' spyod du gshegs pa las thugs dam du bzhugs