[A:565]du bsdad thar khag gsum gyi mtshan mo gdung khang nas du ba'i rnam pa cher thon pa ni mi ma yin rnams kyis gdung skal mchod pa'i rten du gdan drangs tshod du 'dug cing / de mtshams gdung khang zhal phye bas/ dbu thod ril por byon pa dang / rang byon rigs kyang du ma bzhugs pa gdung rus rnams so sor zhib par bsal te mchod sprin gyis dbus su bzhugs/
dgongs rdzogs dngos gzhi gung tshigs gsum pa'i thog/ chos sde lho byang gis gtsos rang zhabs nye skor dgon sde bcu gsum tsam kyi 'dus tshogs zhal grangs khri phrag nye bar nyin bdun la snga dro 'bras 'jam dang mang ja bzhi ri'i thog/ 'bru 'gyed/ dngul 'gyed/ ja dar gos snam/ go khrab/ thabs spyad sogs rgya dpangs che ba kho na dang / thang ston chen mor sngar gyi steng du gser skya bgrang bar dka' ba la sngar rgyun gyi mchod sbyin dpag tu med pa rnams bsgrubs/ gzhan yang rgyal dbang rin po ches dbu mdzad 'dreen mchog rnams la mchod bsngo rten dang / dbus gtsang gi chos sde ris med la bsnyen bkur phun sum tshogs pa phul/ sku gdung rin po che mchod pa'i cha rkyen du gzhung sa mchod yon nas kha Ta mthing khra drug gis sna drangs/ ral gri drug gis mtha' brten pa'i brgyad tshan gtos che ba drug sogs phyogs