[A:56]'jam dbyangs kun dga' bde legs la gsung ngag rin po che lam 'bras cha lag dang bcas pa dang/ gzhan yang bde mchog lU yi pa sogs kyi dbang/ sgrub thabs brgya rtsa rgya mtshos gtso byas pa'i rjes gnang du ma/ rje dkon mchog lhun grub pa'i bka' 'bum sogs lung gi tshogs du ma gnang ba rje 'di nyid kyis ma tshang ba med par gsan/ lung sogs re re nas 'di byung rang gsal po mi 'dug kyang/ phal che ba da lta'ang gsal po 'dug ces rje de nyid kyi gsungs/ de dus chos yun ring ba dang sku phra bas bzhugs mi nus pa'i rnam 'gyur cung zad byung dogs nas chab tog na bza'i khud du 'jog dgos byung zhes gsung yang/ sngon legs par sbyangs pa'i bag chags sad pa'i skyes bu dam pa 'di ni de tsam na dran shes bzhin dang ldan pas don gnyer de lta bu mdzad pa ngo mtshar ba'i gnas su snang zhing/ yol ba'i phyi nas nang du re re bzhin 'gro ba'i brda chig brgyud gnang ba sogs da lta yang gsal po 'dug ces gsungs so/ /
lo de'i ston mjug nas/ shar chen kun dga' bkra shis dgung lo bco brgyad pa'i dus rtse gdong gi gzim khang bsam gtan 'phel rgyas su gzhi bsnyen mdzad 'dug phyag g.yog la chos rje lha sdings pa 'dug/