[A:604]yin 'dug zhes phebs pa bzhin 'dar bsam grub par zhib dpyod mi 'ga' 'dir 'byor bar mjal phyag zhu ba ltar bcos nas sku mdun la bcar skabs gri ring rnams btags bzhin du 'ong ste phyag sogs me byed kyang zhal mjal ba tsam gyi snang ba 'gyur te/ de 'phral phyir thon nas gri rnams dor dar dkar gyi phyag rten bcas phyag 'tshal zhing phyag dbang zhus te sku mdun 'khod pa'i ston mo'i thog dad pa gyur med thob te/ zhwa dmar gyi bla ma rang du ma song na/ 'di las rnam dpyod che ba ma mthong zhes dngos rdzas kyi 'bul ba dang bcas skyar nas mjal phyag sgo gsum dang bas zhu ba byung zhing / gzhan yang dmag mi spyi bye brag nas thugs bsun med par/ kun mkhyen lnga ba chen po sogs nas stsal ba'i bka' gtan rim can gyi dgongs don bzhin mdzad chog pa byung ngo / /
de skabs grib rkyen zhig la brten pa'i mgur 'cham shin tu lod pa dang / spyan nad sogs rgyun ring zhig byung ba na/ skabs shig 'dren mchog dam pa 'di nyid nas mdangs rmi lam du yab rje dam pa de nyid kyi tshe dbang dang / ljags chab kyang gnang byung bas/ da myur du phan 'gro bar 'dug zhes bla ma dkon mchog rgyal po la phebs pa bzhin/ snyung gzhi yang 'phral du dngas ba