[A:622]bka' lan rgyas pa dam rdzas mang ba bcas gnang zhing / da dung de rigs byung na dgos tshul bka' drin che ba bcas sku zhabs yum phyag mdzod bcas thams cad nas rgyas par gnang / zhes gsungs so/ /
rmor chen rdo rje 'chang nas sku dang gsung rten bdag nyid chen po bzang po dpal gyi zhal gzigs dang thugs dam ma 'bul ba gnang ba ni gdung rabs myur 'byon rten 'brel thugs bsam che skyed rang yin 'dug
de ltar ra ba smad kyi thugs brel rnams chod nas/ dwags po grwa tshang du phebs bsu bsnyen bkur mjal phyag khrom dbang sogs stsal/ der gnyan mkhar nas kyi gdan 'dren thog dwags gra nas chibs bsgyur te gong dkar chos sde nas phebs bsu sogs zab rgyas kyi bla brang du gdan 'dren zhus/ dge 'dun yon bdag che btsan bcas la mjal kha phyag dbang skye bo mtha' yas la shur phyag 'dus tshogs nas kyai rdor gur rigs bsdus sogs/ chog gra nyer bdun lhag tsam gyi sgrub mchod cho ga'i yan lag sbyin bsreg mchod gar/ rdo rje gzhon nu'i grub 'chams/ gur gyi mgon po'i las mkhan ru 'dren gyi gar 'chams rnams gzigs phul/ lha khang steng shod bar gsum thun mong dang / thun mong