[A:625]nyid la bltas te/ yid bzhin nor bu 'di star yong ngo / / zhes yang yang zhu ba zhig byung 'dug pas rjes su drung yig lags nas/ da tshod bsam tshe srid zhi'i 'dod dgu kun stsol yin no zhes/ brda' sprod nges shes skyes pa zhig byung gsung / de nas 'brong rtse nas gsol ston zur gsos legs 'bul/ nye 'khor gyi che btsan dang / skye bo'i tshogs la spyi phyag sger phyag sogs/ 'brong rtse chos sde sogs dgon rigs rnams nas kyang legs 'bul byung zhing / gnas gsar rgyal khang gi gnas gzigs mchod 'bul smon lam sogs mdzad/ skye bo'i tshogs nas 'bul ba shin tu stobs che bas zhabs phyi rnams nas bsdu ma thub par bag med 'jog dgos lta bu byung / de nas 'dus chung skyid sbug nas gsol ston legs 'bul dang khrom dbang zhus/ skyang 'dur bde ba can tu phebs gsol ston legs 'bul gnas gzigs che btsan skye bo'i tshogs la phyag dbang khrom dbang / nub gling brgyud tshal du bzhugs sgar gsol ston legs 'bul/ che btsan dmangs bcas la phyag dbang / pad tshal mchod khang du dkar spro gsol ston/
de nas chibs bsgyur ste/ zhwa lu rgyan gong gi gnas gzigs dus lha mo sku phebs kyi lung byung tshul zhig a Ni lags de nas