[A:629]spel bar bzhed de bdag chen shar pa'i sras mo lcam lha mdzes bu khrid gsang yum du bzhes/ rgyal dbang thams cad mkhyen par zhabs brtan gsol 'debs zhu shog rten gsum sogs 'bul ba dang bcas mdzod pa bkra shis don grub rdzong bda' mdzad par gzhung zhabs rin po che nas mgo 'dren brtse gzigs kyi legs lam phun sum tshogs pa dang / de skabs phul byung rgyab byang pa'ang sngar shul du stsal ba dang bcas mdzod pas las phyag bde bar 'khor/
de nas chu stod zla ba'i tshes bco lngar gong dkar rdo rje 'chang blo gros dbang phyug gi drung du skyabs gsum 'dzin pa dang yongs rdzogs dge bsnyen gyi sdom pa gnyis/ cho ga byed do lugs bzhin gyi sgo nas so sor thar pa'i sdom pa dang / theg chen dbu sems gnyis kyi cho ga'i sngo nas sems bskyed/ gso sbyong bsnyen gnas yan lag brgyad pa te byang sems kyi sdom pa dang / yang de nyid kyi drung du 'chi med rnga sgra/ a ra pa tsa na lha lnga/ gza' yum lha bcu bzhi rnam 'joms/ ber lugs/ dgra nag lha bcu gsum ma/ gdong drug lha nyer gcig dus 'khor byis pa 'jug pa'i dbang bdun gong ma gong chen gshed dmar lha lnga dang bcu gsum ma/ bsrung ba lnga / gur rigs bsdus/ 'jigs byed zhe dgu