[A:633]dgung grangs bco brgyad par rnam rgyal lha dgu'i sku brnyan sogs sku gsum gyi rten kha shas der bzhugs par gnam sa bar gsum gyi mchod rdzas spyi dang mar me'i rgyun sbar yon chab zhal zas mchod rol gyis sprad pa 'di bzhin phyag bzhes dus las gra tshugs pa nas nam mkha' dngas shing 'ja' sna tshogs me tog gi char sogs kun gyi mthun snang du gyur/ chu stag lor 'dren mchog dam pa 'di nyid rdo rje 'dzin pa bcu phrag lhag tsam gyis 'khor tshogasadang bcas pas/ dpal kyai rdo rje la brten pa'i rab tu gnas pa smin rgyas dang / gong dkar ba chen po blo gros dbang phyug nas kyang rab gnas mdzad/ de nas bzung zla rer rnam rgyal stong mchod bcas dang / yang de skabs phur ba'i ljags bsnyen zhig kyang gnang tshod kyi sam Tar rje nyid kyi phyag bris ma zhig las/ lags dpal rdo rje gzhon nu'i rtsa sngags dag po bgrang pa'i 'bum phrag brgyad dang / yum rang gi spyan gsal po rang cig yong ba'i phyir du kI la ya khri phrag gsum bcas zhus lags zhes dang / yang phyag bris zhig las chu stag zla ba gsum pa'i tshes gnyis la nyal ba'i rnal 'byor skabs rmi ltas su lcags kyi rdo rje rtse dgu pa gcig dang / rtse lnga pa gcig lcags phur gcig bcas 'grub pa'i rtags byung lags zhes yum drung la 'bul bar