[A:635]sa rin po cher bka' rtsom zhu bar mdzad do/ /
lo de'i ston dpal sa skya'i dbu rtse'i gtsug lag khang 'jam dbyangs gzi 'od 'bar ba sogs sku gsung thugs rten byiin can bgrang yas bzhugs pa'i drung du bdag nyid chen po 'di'i rje btsun sa skya pa'i yab chos yongs rdzogs bstan pa rin po che'i nyams len mtha' dag gcig tu 'dus shing zab pa'i mthar thug gsung ngag rin po che smin grol cha lag 'ga' zhig dang bcas stsal/ dad 'dus kyi slob ma rje btsun kun dga' bstan pa'i nyi ma/ yum bstan 'dziin bsod nams bzang mo/ lcam lha mdzes bu khrid/ bdag gi drin chen rtsa ba'i bla ma brag rtsa ba chen po/ chos grwa rnam gnyis kyi mkhan chen smon bde ba glo bo lha btsun/ chos grwa lho byang / chos lhun/ sgrub sde gong 'og gdong dga' phu gsum sogs nas 'dus pa'i chos nyan pa gsum brgya lhag tsam smin grol mchog gi lam la dkri bar mdzad pa'i skabs su bla ma rgya bod kyi rnam thar sogs rnam thar rags bsdus gsung ngag khog phub sogs snang gsum dang 'brel ba'i lung du ma sems skyed chen mo lha mthil rdo chal du bstsal zhing slob ma rjes 'dzin kha gso'i ljags bsnyen sogs rgyu dbang mngon rtogs bdun ldan pod ser pod dmar sogs ljags lung stobs chen lta ba phyi bskyed rim lam dbang nang