[A:63]dang rangs pa'i mchog tu gyur te/ slar yang bdag nyid chen po rang nyid kyi gdan sa dpal rtse gdong du chibs kyi kha lo bsgyur ba na phebs skyel gyi rim pa'ang phebs bsu dang 'dra bar mdzad de/ rim gyis bsam grub rtser mi dbang sku mched la chos 'brel stsal zhing/ de sa nas kyang bsnyen bkur rgya chen po mdzad de chos grwa chen po thub bstan rnam rgyal du phebs pa na mkhan slob dge 'dun rnams kyi bsu ba dang bsnyen bkur rgya chen po mdzad de kun mkhyen chos kyi rgyal po'i chos khri'i steng nas rje byams pa rab brtan dang/ kun mkhyen chos 'od zer sogs mkhas grub 'dus pa rgya mtshor drag dmar gyi dbang sogs chos kyi sbyin pa dang 'bul ba gnang sbyin phul du phyin par mdzad de gdan sa chen po rtse gdong nyid du phyag phebs so/ /
de ltar e waM pa chen po rje btsun dkon mchog dpal ldan de nyid las dge bsnyen dge tshul gyi sdom pa/ brgyud pa'i khyad par gnyis ldan gyi sems bskyed/ kyai rdor yab bka' yum bka'i rgyu lam dang/ bde mchog lU hi pa/ tshe dpag lha dgu/ mi 'khrugs lha dgu rnams kyi dbang lam zab byin rlabs/ sgrub thabs brgya rgyam/ gur lha brgyad/ zhal/ dur khrod bdag po/ pu tra/ bran bdud/ dkar bdud rnams kyi rjes gnang/ lam