[A:642]phrin las dbang mor btags pa de btsas pas bla ma dkon mchog rgyal pos da rje btsun sa skya pa'i gdung mi mthong ba 'dra gsungs nas zhing khams brjes/ lha chen/ khyams stod gong ma lnga sogs kyi sku'i sa khri rnams shing khri bang rim can gser shog tshon rtsi sogs kyi mdzes par rol sil sgrig sgo bcas gsar bskrun la sku dang mchod cha rnams bzhugs su gsol/ 'jag khang dus mchod sogs kyi nyams gso mthar phyiin par 'dren mchog dam pa 'di nyid rdo rje 'dzin pa pa'i 'khor tshogs dang bcas pas rdo rje phur pa'i rab gnas zhag bdun ma gnang dus rtse dmar gyi sprul pa lta bus a tsa ra cotso khan bha ti zer ba zhig gis dung dkar/ me long dar dmar can/ raksha gdong drug pa/ bcu gcig pa/ nyi shu ba rnams dang / thal chen/ ganggA'i chu lbal gu gang bcas phul te de rang tshe nam gnas bar zhabs phyi nang gras thugs rtsis can du mdzad/ stod phyogs kyi dpon us tshing no yon phun tshogs bde legs 'khor bcas 'bul chen dang bcas mjal phyag tshe dbang zhu bar 'byor bas re ba rdzogs par mdzad/ bzhi thog pho brang gi sde yangs kun dga' ra chung gi bskor rnams bzo bkod phun sum tshogs par mdzad de mthar phyin pa na/ 'dren mchog dam pa 'khor tshogs dang bcas pas rig 'dzin lha khang du rab