[A:644]sngar shul du bzhugs pa zhig gzigs pa 'di ni dbus gtsang dus 'khrug des rgyal ba yab sras sogs bstan 'dzin gyi skyes chen rnams la sku gegs che ngor rje nyid sogs kyis sku rim la rtag 'grus mdzad pas ma skyon tsam byung ba 'di yang shes ldan gzur gnas rnams ngo mtshar ba'i gnas so/ /
de nas chu stod bco brgyad nyin lha sa bla brang du lum pa nga phod sogs dbus drung nga rgyal can rnams kyis khang chen nas dA ching ba dur nga rgyal can dkrong pas dbus gtsang dgra gshed kyi brlag res la bstan don yin tshul gyi ming snyan thogs pa byung 'dug kyang nyams myong can rnams kyi gzigs dang bka' bstan lugs kyi bstan bcos bcas nas 'byung ba'i bstan don byed lugs rnams kyang 'di 'dra yin pa 'dug gam/ gang ltar so sor chings sgrig du phan re'i mdzod pa phral rdzong la/ chings re bral bas log par snying rus kyis mi sdod pa gsung ba'i bka' nan dang zhag shas nas mgron gnyer bsod nams bsam grub gzim chung du 'bod gnang gi chings la 'gro dgos tshul phebs par yang / chings re med tshul zhus pas sems can re gnyis kyi srog skyobs byung na'ang chog pas cis kyang 'gro dgos gsung pa bzhin phyin pa na mi brgya phrag du ma'i srog skyobs byung ba yin zhes mgron gnyer