[A:646]rnams gnyis nas gzigs pa dge ba'i 'dod don 'grub thog 'dir 'phral 'byor gyi bka' tham gnang rten bcas legs lam shin tu che ba'ang skyes bu dam pa rnams kyi thugs bskyed du go /
sa bya lo'i lha sa smon lam chen mor dge 'dun zhal grangs chig khri chig stong sum brgya nga bdun tsam la mang 'gyed kyi bsnyen bkur mdzad cing / mkhar kha nas rje btsun dam pa'i dgongs rdzogs mi sna'i gdong zhu shog rten sgrags rgya chen dang / 'dus sder mang ja/ grwa rer dngul srang re'i 'gyed dang bcas 'byor bar lugs gnyis kyi gnang skyes rgya chen bstsal/ rgya sog mang pos dge tshul slong zhus par/ mkhan chen dbang phyug phun tshogs la bka' gnang ste de bzhin du mdzad/ skyed lhas mgon khang du zhag bdun tshe sgrub nyams bzhes dus/ sku khams nyog pa dang dus mtshungs nged rang gi ma lags de'i mnal ltas su skyed lhas nas yin zer ba'i btsun ma skra sil bur 'phyang ba/ mche ba gtsigs pa zhing byung nas/ gong ma rin po che sku khams shin tu mi bde ba'i sku gegs chen po 'dug par zhabs brtan sku rim gang drag dang / lhag tu da lam tshes brgyad nyin sgrol 'don bya zhing / gsol 'debs tshigs bcad 'di zhabs brtan du thon zer nas shog ril zhig gtad pa shar ba bzhin sgrub pas sku khams kyang